KHDR Ońtústik Koreıanyń eks-prezıdentin syrttaı ólim jazasyna kesti
ASTANA. QazAqparat - Soltústik Koreıa Ońtústik Koreıanyń eks-prezıdenti Pak Kyn He men ońtústikkoreıalyq barlaýdyń bastyǵy Lı Ben Hony syrttaı ólim jazasyna kesti, dep habarlaıdy QazAqparat «RIA Jańalyqtar» agenttigine silteme jasap.
Phenıan olardy Soltústik Koreıanyń kóshbasshysy Kım Chen Yndi óltirdi dep aıyptaýda.
Phenıannyń málimdemesinde osy ýaqyttan bastap Pak Kyn He men Lı Ben Hoǵa aıaýshylyqqa úmittenbeýine bolatyny týraly aıtylǵan. Onymen qosa, Soltústik Koreıa halyqaralyq zańnamalarǵa sáıkes kúdiktilerdi ózderine berýdi talap etip otyr.
«AQSh pen onyń Ońtústik Koreıadaǵy jandaıshap kúshteri KHDR-diń joǵary basshylyǵyna qarsy qaıtadan memlekettik terrorızm jasamaq bolsa, soǵys keziniń zańdary boıynsha sóz baılasýdyń uıymdastyrýshylaryna, qatysýshylary men oryndaýshylaryna jazany aldyn ala eskertýsiz oryndaýǵa kirisemiz», - delingen Phenıannyń málimdemesinde.
Eske salaıyq, Ońtústik Koreıanyń parlamenti ótken jyldyń jeltoqsan aıynda Pak Kyn Heni bılikten shettetken bolatyn. Aǵymdaǵy jyldyń naýryzynda Konstıtýtsııalyq sot ımpıchmentti qoldap, ony prezıdent laýazymynan túbegeıli bosatty.
Al 2017 jylǵy naýryz aıynyń sońynda Seýl soty para aldy, ókilettiligin asyra paıdalandy, zańsyz qysym jasady jáne memlekettik qupııany jarııa etti degen aıyppen burynǵy memleket basshysyn tutqyndaý týraly sanktsııa berdi. Oǵan 14 tarmaq boıynsha aıyptar taǵyldy .
