KHDR Ońtústik Koreıaǵa soǵys jarııalady
ASTANA. 30 naýryz. QazAqparat -KHDR bıligi Ońtústik Koreıamen «soǵys jaǵdaıyna» túsetindigin jarııalady.
Bul týraly soltústikkoreılik Ortalyq telegraftyq agenttigine silteme jasap AǴR habarlady.
«Osy ýaqyttan bastap koreıaralyq qarym-qatynastar soǵys jaǵdaıyna túsedi, jáne eki Koreıaǵa qatysty barlyq máseleler soǵys ýaqytyndaǵy zańdar boıynsha sheshiletin bolady», - delingen KHDR úkimetiniń barlyq memlekettik mekemeler men vedomstvolarǵa joldanǵan málimdemesinde.
Eske salaıyq, buǵan deıin KHDR kóshbasshysy Kım Chen Yn raketalyq áskerdi Ońtústik Koreıa men Tynyq Muhıtyndaǵy amerıkalyq áskerı bazalarǵa soqqy jasaý úshin daıyndyq kúıine keltirý týraly buıryqqa qol qoıdy. Buıryqqa AQSh Ońtústik Koreıamen birlesken oqý-jattyǵýy barysynda bárinen bólek, ıadrolyq qarýdy jetkizýge múmkindigi bar V-2 strategııalyq bombalaýshysyn jumyldyrǵannan keıin birneshe saǵattan soń qol qoıyldy.
