KHDR-nyń 13 azamaty Ońtústik Koreıaǵa qashty
ASTANA. QazAqparat - Káristiń ulttyq taǵamdaryn daıyndaıtyn meıramhanalardyń birinde Soltústik Koreıanyń 13 azamaty Ońtústik Koreıaǵa qashyp ketti, dep habarlady ońtústikkoreıalyq bılik.
Koreıalardy biriktirý máseleleri boıynsha mınıstrliktiń ókili Chon Chon Hıdiń aıtýynsha, soltústikkoreıalyq meıramhanalarda jumys istegen adamdar buryn da Ońtústik Koreıaǵa qashyp otyrǵan, biraq bul qashý týraly sheshimdi birge jumys isteıtin birden 13 adam qabyldaǵan birinshi oqıǵa bolyp otyr, dep habarlaıdy Bı-bı-sı.
Soltústikkoreıalyqtardyń elden qashýy Phenıan men Seýl arasyndaǵy qııan-keski daýdyń sebebi bolýda. Soltústik Koreıa Ońtústikti adamdardy ózine qyzyqtyryp tartýda aıyptap otyr.
Shetelde jumys istetý úshin Soltústik Koreıa memlekettik saıasatqa buljymastyǵyn dáleldegen azamattardy tańdaıdy.
Chon Chon Hı Ońtústik Koreıa aýmaǵyna 12 er adam men bir áıeldiń kelgenin naqtylady.
