KHDR qysqy Olımpıadaǵa komanda jiberýge nıetti
ASTANA. QazAqparat - Koreıa Halyq Demokratııalyq Respýblıkasy Ońtústik Koreıanyń Phenchhan qalasynda ótetin qysqy Olımpıada oıyndaryna ulttyq quramasyn jiberýdi josparlap otyr. Bul jaıly dúısenbi kúni jańajyldyq joldaýynda memleket basshysy Kım Chen Yn málimdedi, dep habarlaıdy «QazAqparat» HAA TASS-qa silteme jasap.
«Komandamyzdy Olımpıadaǵa jiberýge nıettimiz», - dedi ol. Sondaı-aq Kım Chen Yn Koreıa Respýblıkasymen qarym-qatynastardy jaqsartý qajettigin aıtty.
KHDR Olımpıadaǵa qatysý úshin ótinish beriletin sońǵy merzimnen kesh qaldy. Degenmen qańtardyń ortasyna deıin óz sportshylaryn jiberýge qosymsha múmkindigi bar.
Aıta ketelik, resmı Phenıannyń zymyran-ıadrolyq belsendiliginiń artýy saldarynan Koreı túbegindegi saıası ahýaldyń kúrt shıelenisýi Phenchhandaǵy qysqy Olımpıada oıyndary qaýipsizdigine alańdaýshylyq týǵyzyp otyr.
