KHDR qýatty soqqy áleýetin damytýdy jalǵastyrady - Kım Chen Yn
PHENЬıAN. QazAqparat – Koreı halyq demokratııalyq respýblıkasynyń (KHDR) basshysy Kım Chen Yn qýatty soqqylar áleýetin damytý jalǵastyrylatynyn málimdedi. Bul týraly TsTAK agenttigi jazdy, dep habarlaıdy QazAqparat.
TsTAK aqparaty boıynsha, Kım Chen Yn «Hvason-17» qurlyqaralyq jańa ballıstıkalyq zymyranyn synaýǵa úles qosqan áskerılermen jáne ǵalymdarmen kezdesý barysynda osyndaı málimdeme jasaǵan. Ol KHDR «eldiń qorǵanys qabiletin nyǵaıtý jáne Koreı halyq armııasynyń qarýlanýyna múmkindik beretin kúshti shabýyl quralyn jasaý baǵytyndaǵy maqsatqa jetýdi jalǵastyratynyn» aıtqan.
Soltústik Koreıanyń ortalyq «Nodon sınmýn» gazeti «24 naýryzda KHDR-dyń «Hvason-17» kontınentaralyq ballıstıkalyq zymyranyn synaqtan ótkizýi - el úkimeti men halqynyń «zor jeńisi» dep jazady. TsTAK agenttigi 25 naýryzda KHDR Kım Chen Ynnyń tikeleı buıryǵymen «Hvason-17»-ni synaqtan ótkizgenin rastady.
Soltústik Koreıanyń málimetinshe, zymyran shamamen 1090 shaqyrymǵa ushty, al maksımaldy ushý bıiktigi - 6248 shaqyrym. Qurlyqaralyq ballıstıkalyq zymyran 68 mınýt aýada boldy, sodan keıin Japon teńizindegi shartty nysanaǵa tıdi.
Japonııa Qorǵanys mınıstrliginiń málimetinshe, zymyran eldiń aıryqsha ekonomıkalyq aımaǵyna (Osıma túbeginen batysqa qaraı 150 shaqyrym) tústi.
