KHDR kóshbasshysy Kım Chen Ynnyń jezdesin 120 ıt talap óltirgen
ASTANA. 4 qańtar. QazAqparat - KHDR kóshbasshysy Kım Chen Ynnyń jezdesi qalaı óltirilgeni belgili boldy.
«Rossııa 24» telearnasynyń habarlaýynsha, Chan Son Thek pen onyń bes kómekshisin ıtter talap óltirgen.
Burynǵy sheneýnikterdi tolyǵymen sheshindirip, torǵa qamaǵan jáne sol torǵa birneshe kún boıy tamaq berilmegen 120 ash ıtti jibergen. Bir saǵat boıy ıtter Chan men onyń kómekshileriniń denelerin talaǵan eken. Qytaılyq BAQ-tyń aqparatynsha, osynyń barlyǵyn Kım Chen Yn bastaǵan Soltústik Koreıa basshylyǵy qarap turǵan.
KHDR arnaıy áskerı trıbýnalynyń sheshimimen Chan Son Thek memlekettik tóńkeris jasaýǵa árekettengeni jáne sybaılas jemqorlyǵy úshin ólim jazasyna kesilgen bolatyn.
