KHDR kóshbasshysy eldiń koronavırýsty jeńgenin jarııalady

PHENЬıAN. QazAqparat – Soltústik Koreıanyń kóshbasshysy Kım Chen Yn KHDR koronavırýs indetin jeńgenin jarııa etti, dep habarlaıdy QazAqparat Yonhap agenttigine silteme jasap.

Koreıanyń resmı ortalyq aqparat agenttiginiń málimetinshe, KHDR basshysy bul málimdemeni bir kún buryn ózi tóraǵalyq etken epıdemııaǵa qarsy sharalar jónindegi ulttyq jınalys kezinde jasady.

«Ol elge engen jańa koronavırýsty joıý jáne adamdardyń ómiri men densaýlyǵyn qorǵaý boıynsha epıdemııaǵa qarsy tótenshe naýqandaǵy jeńisin saltanatty túrde jarııalady», - delingen habarlamada.

Phenıan eki jyldan astam ýaqyt boıy ınfektsııa tirkelmegenin málimdegennen keıin 12 mamyrda koronavırýsty juqtyrýdyń alǵashqy jaǵdaıy anyqtalyp, búkil el boıynsha karantın engizilgen bolatyn. Soltústik Koreıada táýliktik ınfektsııa juqtyrý deńgeıi 15 mamyrda 392 920-ǵa jetip, keıinnen 29 shildede nólge tústi.

Foto: cloudfront-us-east-2.images.arcpublishing.com