KHDR koreıaaralyq baılanys keńsesin jaryp jiberdi
SEÝL. YONHAR-QazAqparat – Seısenbi kúni KHDR shekaradaǵy Keson qalasynda ornalasqan koreıaaralyq baılanys keńsesin jaryp, Koreıa túbeginde shıelenisti kúrt kúsheıtti. Bul týraly Yonhap agenttigine silteme jasap QazAqparat habarlaıdy.
Oqıǵa Seýldiń Phenıanǵa qarsy nasıhat únparaqtar taratqany úshin KHDR-dyń kún saıyn qorqytýynan bastaldy.
Koreıa Respýblıkasynyń Birlesý mınıstrligi KHDR baılanys keńsesin jergilikti ýaqyt boıynsha saǵat 14:49-da jarǵanyn habarlady. Buǵan deıin áskerı derekkózder Keson qalasynda tútin baıqalyp, jarylys estilgenin málimdegen.
Budan birneshe kún buryn KHDR kóshbasshysynyń kishi qaryndasy Kım E Chjon senbi kúni keshke búkil álemniń KHDR men Ońtústik Koreıa arasyndaǵy baılanys keńsesiniń mánsizdigine kóz jetkizetinin aıtty.
Sheneýnikterdiń aıtýynsha, jarylystan keıin Ońtústik Koreıa shekaradaǵy kúzetin kúsheıtip, áskerin joǵary ázirlik deńgeıine keltirdi.
