KHDR kezekti ret snarıadtar ushyrdy
SEÝL. YONHAP – QazAqparat –Koreıa Halyq Demokratııalyq Respýblıkasy dúısenbi kúni tańerteń jaqyn dáldiktegi úsh snarıadty Shyǵys teńizine ushyrdy. Bul týraly Yonhap-qa silteme jasap «QazAqparat» HAA habarlaıdy.
Ońtústik Koreıa Shtab bastyqtary birikken komıtetiniń málimeti boıynsha, snarıadtar Ońtústik Hamgen provıntsııasyndaǵy Sondok qalasyna jaqyn jerden jergilikti ýaqyt boıynsha shamamen saǵat 07:36-da ushyryldy. Olardyń ushý uzaqtyǵy – 200-ge jýyq shaqyrymdy, bıiktigi 50 shaqyrymdy qurady.
Aıta ketsek, KHDR osyǵan uqsas ushyrýlardy 2 naýryz kúni júrgizgen bolatyn.
«Bul – zymyrandyq ushyrý qondyrǵylarynyń birneshe tıpi qatysatyn artıllerııalyq oqýlardyń bir bóligi», - delingen Birlesken komıtettiń taratqan habarlamasynda.
Ońtústik Koreıa jáne AQSh-tyń barlaý organdary ushyrýlarǵa analız jasap, «qosymsha ushyrýlar bolǵan jaǵdaıǵa baqylaý júrgizýde».
2 naýryzda KHDR kezekti oqýlar kezinde Kım Chen Ynnyń basshylyǵymen kópmaqsatty zymyran qondyrǵysynan jaqyn radıýsty eki snarıadty ushyrǵan edi.
