KHDR hakerleri ońtústikkoreıalyq sheneýnikterdiń smartfondaryn «buzyp» ashqan
ASTANA. QazAqparat - KHDR-degi hakerler ondaǵan ońtústikkoreıalyq sheneýniktiń smartfondaryn «buzyp» ashyp, olardyń ishindegi mátindik jáne dybystyq habarlamalarǵa qol jetkizdi. Tıisti málimdemeni seısenbi kúni Koreıa Respýblıkasynyń Ulttyq barlaý qyzmeti taratty, dep habarlaıdy TASS.
Onda kıbershabýyldan dál qandaı resmı tulǵalardyń zardap shekkeni jáne qupııa aqparattyń urlanǵan-urlanbaǵany týraly derek aıtylmaǵan.
Associated Press (AP) agenttiginiń keltirip otyrǵan NRS málimetterinshe, oqıǵa aqpan aıynyń sońy, naýryzdyń basynda oryn alǵan.
Sońǵy jyldary Seýl Phenıandi kıberqylmystar jasady dep talaı ret aıyptaǵan, KHDR bul faktini joqqa shyǵarǵan, dep atap ótti AR.
