KHDR-ge qatysty sanktsııa talaptaryn buzǵandardyń qatarynda Qazaqstan azamaty bar - BUU
ASTANA. 15 mamyr. QazAqparat - BUU Qaýipsizdik keńesi komıtetiniń sarapshylary KHDR úshin kontrabandalyq qarý-jaraq boıynsha mámile jasasty dep kúdik keltirilgen 3 zańdy jáne 12 jeke tulǵaǵa qatysty sanktsııa engizý qajet dep esepteıdi.
Reseıdiń "Jańalyqtar" agenttigi habarlaǵanyndaı, KHDR-ge qarsy sanktsııa mamandarynyń pikirinshe, atalǵan sanktsııaǵa tartylýy tıis azamattardyń qatarynda 9 soltústik koreılik azamat, bir Qazaqstan azamaty jáne eki ýkraındyq bar.
Sonymen birge mamandardyń atap ótkenindeı, sanktsııa 3 soltústik koreılik uıymǵa engizilýi qajet.
"Sanktsııalar KHDR-diń ıadrolyq jáne ballıstıkalyq qarýdy shyǵarý baǵdarlamasyn toqtatqan joq, alaıda soltústik koreılik jobalardy birshama tejedi", - delingen mamandardyń baıandamasynda.
Sondaı-aq BUU KHDR-ge qatysty engizilgen qarjylyq sanktsııalar men qarý-jaraq embargosy tyıym salynǵan baǵdarlamalardy qarjylandyrýǵa jumsalýy múmkin memlekettiń qosymsha qarajat kózin jaýyp tastady dep esepteıdi.
