KHDR-dyń artıllerııalyq snarıady jolaýshylar ushaǵyna tıe jazdady
ASTANA. QazAqparat - Koreı Halyq Demokratııalyq Respýblıkasy ushyrǵan artıllerııalyq zymyran Qytaıdyń jolaýshylar ushaǵyn marshrýtyna taqaý ótti, dep habarlady CNN telearnasy Ońtústik Koreıa Qorǵanys mınıstrligine silteme jasap.
Aıta keteıik, seısenbi kúni KHDR 7 artıllerııalyq snarıad ushyryp, onyń barlyǵy da teńizge qulaǵan bolatyn. Baqylaýshylar bul ushyrylymdardy AQSh pen Ońtústik Koreıanyń birlesken oqý-jattyǵýymen baılanystyrýda.
Ońtústik Koreıa Qorǵanys mınıstrliginiń ókili Kım Mın Soktyń málim etýinshe, zymyran ushyrylǵannan keıingi jetinshi mınýtta snarıadtardyń biri Japonııadan Qytaıǵa baǵyt alyp bara qatqan bortynda 220 jolaýshy bar qytaı ushaǵynyń traektorııasyn kesip ótken.
«Óte qaýipti jaǵdaı oryn aldy. Soltústik Koreıanyń mundaı arandatýshylyq is-áreketi áýe navıgatsııasynyń halyqaralyq erejesin buzyp, azamattardyń qaýipsizdigine qater tóndiredi», - dedi ol.
