15:30, 01 Aqpan 2024 | GMT +6
KHDR-dan Ońtústik Koreıaǵa keletin bosqyndar sany artty
ASTANA. KAZINFORM - Ótken jyly KHDR-dan Koreıa Respýblıkasyna kelgen bosqyndar sany 2022 jylmen salystyrǵanda úsh ese artyp, 196-ǵa jetti. Bul týraly The Korea Herald jazdy.
Koreıaaralyq qatynasqa jaýapty Birlesý mınıstrliginiń málimetinshe, jańadan kelgen 32 er adam men 164 áıeldiń kelýi Ońtústik Koreıadaǵy bosqyndar sanyn 34 078-ge jetkizgen.
Sondaı-aq 2023 jyly Ońtústik Koreıaǵa kelgenderdiń 99-y 20 men 30 jas aralyǵyndaǵylar ekeni anyqtaldy.
2021 jáne 2022 jyldary shekaranyń jabylýyna baılanysty soltústikkoreıalyq bosqyndar sany sáıkesinshe 63 jáne 67-ge deıin qysqardy. Mınıstrliktiń málimetinshe, bul 2009 jylǵy rekordtyq kórsetkishten kúrt tómendegen.
