KHDR-dan qaýiptengen japondyqtar jerasty býnkerlerin jappaı satyp alyp jatyr
ASTANA. QazAqparat - Soltústik Koreıa tarapynan jasalýy múmkin shabýyldarǵa baılanysty Japonııada jappaı jerasty býnkerlerin satyp alý bastaldy.
Qorǵanys qamaldaryn salýǵa mamandandyrylǵan Oribe Seiki Seisakusho kompanııasynyń satylymdary arta tústi. Bul jaıly Vice aqparattyq portaly bergen habarlamada aıtylǵan.
Satyp alýshylar qorǵanys ǵımarattarynyń salynýyna uzaq ýaqyt jumsalatyndyǵyna qaramastan, olardyń jyldam jetkizilýin talap etýde.
Aıta keteıik, buǵan deıin KHDR tarapynan AQSh áskerı bazasy ornalasqan Gýam aralyna soqqy berýge daıyndyq jasalyp jatqandyǵy jaıly habarlanǵan bolatyn.
