QHDR-daǵy jer silkinisi jarylys saldarynan bolýy múmkin
ASTANA. QazAqparat - QHDR-diń soltústik-shyǵysyndaǵy Hamgen-Pýkto provıntsııasynda senbi kúni 3,4 magnıtýdaly jer silkinisi boldy. Qytaı seısmologııalyq ortalyǵy habarlaǵandaı, jer dúmpýi jarylys saldarynan bolǵan.
Aqparatta kórsetilgendeı, jerasty dúmpýi Beıjiń ýaqytymen saǵat 16:29-da (Astana ýaqytymen 14:29) tirkelgen. Zilzala oshaǵy - «0 m» tereńdikte.
NHK telearnasynyń deregi boıynsha, jer silkinisi ıadrolyq polıgon synaǵynyń janynda bolǵan.
Budan buryn, juma kúni QHDR SІM basshysy málimdegendeı, Phenıan AQSh-tyń agressıvti saıasatyna jaýap retinde jańa sýtegi bombasyn synaqtan ótkizýi múmkin. Onyń aıtýynsha, áńgime qýatty sýtegi bombasyn Tynyq muhıtynda synaqtan ótkizý yqtımaldyǵy jaıly bolyp otyr.
