KHDR-da zymyrandy ushyrý sátsiz aıaqtaldy
ASTANA. QazAqparat - Ońtústik Koreıa eliniń Qorǵanys mınıstrligi KHDR-da taǵy bir ballıstıkalyq zymyrandy ushyrý sátsiz aıaqtalǵanyn málimdedi.
Bul týraly Bı-bı-sı jazady.
Mınıstrlik KHDR ushyrýy múmkin zymyrannyń tıpi týraly málimet aıtýdan bas tartty.
Biraq ońtústikkoreıalyq Ionhap aqparattyq agenttigi aty atalmaǵan áskerı derekkózderge siltememen synalǵan zymyran ortasha qashyqtyqqa ushatyn «Mýsýdan» tıpti zymyran ekendigin habarlap otyr.
Soltústik Koreıada sáýir aıynda úsh ret osyndaı zymyrandardy ushyrý áreketi sátsiz aıaqtalǵan. Phenıan « Mýsýdandy» birde-bir ret sátti ushyra almaǵan.
BUU-nyń qarary Soltústik Koreıaǵa kez kelgen ballıstıkalyq zymyrandy paıdalanýǵa tyıym salady. Soǵan qaramastan, KHDR eldiń shyǵys jaǵalaýynan teńizge qaraı qysqa qashyqtyqqa ushatyn zymyrandardy únemi ushyryp otyr.
Qańtarda Phenıan sýtekti bombanyń synaǵyn sátti ótkizgenin málimdedi. Bul elge qarsy jańa sanktsııalardy engizýdiń bir sebebi boldy.
