KHDR-da sheteldikterge uıaly telefondy paıdalanýǵa shekteý qoıyldy
ASTANA. 21 aqpan. QazAqparat - KHDR-ǵa qysqa ýaqytqa kelgen sheteldikterge 2011 jyldyń qańtarynan bastap uıaly telefondardy jalǵa berý toqtatyldy.
Endi, elge uzaq ýaqytqa issaparǵa kelgen sheteldik azamattar ǵana bundaı quqyqqa ıe bolmaq. Bul týraly Kıodo japon aqparat agenttigi habarlady.
Týrısterdiń aıtýynsha, jańa shekteýler engizý sheshimi 2010 jyldyń sońynda qabyldanǵan bolatyn. Keıbir sarapshylar bul sheshimdi Taıaý Shyǵysta bolǵan jappaı kóterilisterde uıaly baılanys kózderiniń mańyzdy ról atqarǵanymen baılanystyrady. Atap aıtqanda, KHDR BAQ-y osy kúnge deıin Phenıanmen tyǵyz baılanysta bolǵan Mysyr prezıdenti Hosnı Mýbaraktyń taqtan qulatylǵanyn habarlamaǵan.
Qazirgi erejelerge saı, KHDR-ǵa kelgen adamdar, soǵan qosa dıplomattar áýejaıda uıaly telefondaryn tapsyrýy kerek. Tek memleketten keter kezde ǵana qaıtaryp alýǵa bolady. Onyń ornyna sheteldikterge basqa uıaly telefondardy jalǵa alý quqyǵy beriledi, jalǵa berý isimen «Oraskom Telekom» mysyrlyq uıaly baılanys fırmasymen birlese qurylǵan kompanııa aınalysady
