KHDR-da Koreıa Eńbek partııasynyń 70 jyldyǵyna arnalǵan saltanatty sharalar bastaldy
ASTANA. QazAqparat - KHDR-da Koreıa Eńbek partııasynyń 70 jyldyǵyna arnalǵan saltanatty sharalar bastaldy. KHDR-ǵa kóptegen delegatsııalar, sonyń ishinde, Reseı, Qytaı, AQSh, Kanada, Avstralııa, Japonııa jáne basqa da elderde turatyn koreıler keldi, dep habarlady TASS.
KHDR jetekshi partııa, memleket jáne áskerı qaıratkerleri Phenıannyń ortalyǵyndaǵy Kım Ir Sen men Kım Chen Irdiń eskertkishterine Koreıa Eńbek partııasynyń 70 jyldyǵyna oraı gúl shoqtaryn qoıdy.
10 qazanda KHDR bıligi elde orasan zor festıvaldar men mańyzdy saıası sharalardy uıymdastyrmaq.
Kım Ir Sen atyndaǵy ortalyq alańda áskerı parad, merekelik kórkem-sporttyq jastar qoıylymy jáne eńbekshiler sherýi ótedi. Kontsert alańdarynda eldiń eń úzdik shyǵarmashyl ujymdary óner kórsetedi. Kósheler merekelik alqyzyl týlarmen bezendirilgen.
KHDR kóshbasshysy Kım Chen Ynǵa QHR Tóraǵasy Sı Tszınpın quttyqtaý joldady.
Kóptegen ónerkásip kásiporyndary partııanyń mereıtoıyna ózderiniń jyldyq josparlaryn merziminen buryn oryndaǵandary týraly raport berýde.
