KHDR bıligi: Kım Chen Yn týraly komedııa ekranǵa shyqsa, AQSh-qa soǵys jarııalaımyz
ASTANA. QazAqparat - Amerıkandyqtar Soltústik Koreıa kóshbasshysy Kım Chen Ynnyń ólimi týraly fılm túsirdi. Jaqynda kórsetile bastaıtyn «Suhbat» atty jańa komedııa Koreıa bıliginiń shamyna tıdi, dep jazady VVS.
Tipti Soltústik Koreıa SІM ókili eger bul fılm ekranǵa shyqsa, biz soǵys jarııalaımyz dep eskertti. «Joǵary basshylyqqa shabýyl jasaý týraly fılmniń shyǵarylýy men kórsetilýi - bul terror men soǵystyń jaýapkershiliksiz aktisi. Eger amerıkandyq ákimshilik bul fılmdi shyǵarsa, bizdiń taraptan aıaýsyz kontrsharalar qoldanylady , - dep keltiredi VVS Soltústik Koreıanyń SІM-niń málimdemesinen. Sıýjet boıynsha AQSh-tyń eki tilshisi Soltústik Koreıaǵa bas hatshymen kezdesýge barady. Shyn mánisinde olarǵa Kım Chen Yndy óltirý tapsyrmasy berilgen edi. Soltústik Koreıa bıligi atalǵan fılmdi túsirgenderdi qatty synǵa aldy. Olar ony «terrorızm aktisi» dep atap, fılmniń aınalymǵa shyqpaýy úshin barlyq sharany qolǵa alýǵa ýáde etti. Aıta keteıik, taıaýda Kım Chen Yn «Glorious Leader!» kompıýterlik oıynynyń keıipkerine aınaldy. Onda bas hatshy Phenıan kóshelerinde otty jalǵyz múıizben shaýyp, amerıkandyqtardy óltirýi kerek. Árbir deńgeıde «boss» bar. Solardyń birinde Kım Chen Ynǵa alyp robotqa aınalǵan Bostandyq músinin jeńý mindeti tur. Soltústik Koreıa kóshbasshysynyń odaqtasy bar, ol - amerıkandyq basketbolshy Dennıs Rodman.
