KHDR ballıstıkalyq zymyrandaryn búgin ushyrýy da yqtımal
ASTANA. 10 sáýir. QazAqparat - Koreıa Respýblıkasynda KHDR-dyń ortasha qashyqtyqtaǵy ballıstıkalyq zymyrandarynyń ushyrylýyn qadaǵalap otyratyn arnaıy toptyń jumysy bastalǵany málim etildi,
dep jazady Associated Press Ońtústik Koreıanyń Qorǵanys mınıstrligine silteme jasaı otyryp.
Eldiń áskerı barlaýy zymyrandardy 2013 jyldyń 10 sáýiri kúni ushyrýy múmkin dep topshylaıdy, dep habarlaıdy RBK. Arnaıy top Káris túbegindegi jaǵdaıǵa monıtorıng júrgizip, materıaldardy jınaqtaıdy jáne aqparattarǵa saraptama júrgizedi. Sarapshylar oqý-jattyǵý kezinde 3 myń km qashyqtyqqa ushatyn «Mýsýdan» zymyranyn paıdalanýy múmkin degen pikirde. ıAǵnı, bul zymyrandar Ońtústik Korıanyń, Japonııanyń, amerıkalyq áskerler ornalasqan Gýam araldarynyń bar aýmaǵyn, sondaı-aq Reseı men Qytaı aýmaǵyndaǵy keıbir nysandardy atyp túsirýge qabiletti.
Esterińizge sala keteıik, sońǵy aptada resmı Phenıan eger ekinshi taraptan arandatý áreketi oryn alyp jatsa, ıadrolyq qarý qoldaný arqyly tabandy jaýap beretinderin aıtyp, birneshe málimdeme jasaǵan bolatyn. Al, bul ýaqytta Ońtústik Koreıa men AQSh syrttan kelýi yqtımal qaýipke qarsy birlesken áskerı oqý-jattyǵý júrgizip jatqan edi.
Phenıannyń yzbarly málimdemesi kórshileriniń júıkesine áser etpeı qoıǵan joq. Búgin tańerteń Tokıomen qanattas jatqan Iokogama qalasynyń bıligi KHDR zymyran jibergeni týraly dabyl qaqty da, artynsha 20 mınýt ótken soń, qateleskenderin aıtyp, el turǵyndarynan keshirim surady, dep habarlaıdy Baq.kz.
