KHDR áskeri Bas shtaby basshysynyń otstavkaǵa ketýi qarýly qaqtyǵysqa ulasty

Sonyń barysynda 20-dan 30 áskerı qyzmetkerge deıin óltirildi. Bul týraly búgin barlaý qyzmetiniń rastalmaǵan málimetterine silteme jasaı otyryp ońtústikkoreıalyq "Choson Ilbo" basylymy habarlady.

Oqıǵa KHDR áskeriniń bas saıası bıýrosyn basqaratyn vıtse-marshal Chhve Ren He burynǵy bas shtab basshysy Lı En Honnyń otstavkaǵa ketýi jónindegi Kım Chon Ynnyń buıryǵyn oryndaý úshin bas shtabtyń basshysyn ustamaq bolǵan kezde oryn alǵan.  Lı En Honyń kúzeti ony berýden bas tartyp, kele jatqandarǵa oq jaýdyrǵan.

Koreı Halyq Demokratııalyq Respýblıkasy áskeri Bas shtabynyń basshysy Lı En Honyń otstavkaǵa jiberilgeni jaıly eldiń ortalyq agenttigi 16 shildede habarlaǵan bolatyn. Resmı málimetterge sáıkes, ol densaýlyǵyna baılanysty otstavkaǵa jiberildi. 18 shildede Soltústik Koreıa áskeri Bas shtabynyń basshysy laýazymyna general Hon En Chhol taǵaıyndaldy.