KHDR amerıkalyq stýdenttiń ólimi jaıly: biz qurbanbyz
ASTANA. QazAqparat - Phenıan qaza bolǵan amerıkalyq stýdent Otto Ýombıer medıtsınalyq kómek alyp kelgenin jáne oǵan kútim jaqsy bolǵanyn málim etti.
Soltústik Koreıa 22 jastaǵy amerıkalyq stýdent Otto Ýombıerge qatygezdik tanytyp, 17 aı boıy túrmede ustaǵany týraly aıyptarǵa alǵash ret jaýap berdi, dep habarlaıdy The New York Times.
Phenıannyń málimdeýinshe, Ýombıer «halyq jaýy» bolsa-daǵy, oǵan medıtsınalyq kómek kórsetilip, jaqsy qaraǵan.
«Memlekettiń jaýyna osyndaı raqymshylyq jasaýymyzǵa eshqandaı sebep bolmasa da, onyń jaǵdaıynyń nashar bolǵanyn nazarǵa alyp, gýmanıtarlyq negizderge barlyq qurmetpen oǵan AQSh-qa qaıtqanǵa deıin laıyqty qarap, medıtsınalyq kómek kórsettik», - delingen málimdemede.
KHDR bıligi Ýombıerdiń densaýlyq jaǵdaıy bosatylǵannan keıin qalypty bolǵanyn alǵa tartyp, onyń nelikten eline jetkennen keıin qaıtys bolǵanyn túsinbeıtindigin jetkizdi.
