KHDR alǵash ret kontınentaralyq jańa zymyranyn kórsetti

ASTANA. KAZNFORM – Kım Chen Yn Phenıanda ótken áskerı parad barysynda alǵash ret «Hvason-20» zymyranyn tanystyrdy, dep habarlaıdy dw.com.

Soltústik Koreıa basshylyǵy senbi kúni, 11 qazanda Phenıanda keıingi eki jyl ishinde alǵash ret iri áskerı parad uıymdastyryp, onda jańa kontınentaralyq zymyran tanystyryldy.

Koreıanyń ortalyq telgraf agenttigi (KOTA) paradta tanystyrylǵan «Hvason-20» zymyranyn «eń qýatty ıadrolyq strategııalyq qarý» dep atady.

KHDR basshysy Kım Chen Yn óziniń sóılegen sózinde qarýly kúshterdi kez kelgen qaýipti joıa alatyn, eshkim jeńe almaıtyn kúshke aınalýǵa shaqyrdy.

Phenıanda Kım Ir Sen atyndaǵy alańda Koreıanyń bıleýshi Eńbek partııasynyń 80 jyldyǵyna arnalǵan áskerı parad ótti. Іs-sharaǵa Qytaı Halyq Respýblıkasynyń premer-mınıstri Lı Tsıan, Reseı Qaýipsizdik keńesi tóraǵasynyń orynbasary Dmıtrıı Medvedev jáne Vetnam Kommýnıstik partııasynyń Bas hatshysy To Lam qatysty.

Resmı fotosýretterdiń birinde olar Soltústik Koreıa basshysy Kım Chen Ynmen birge tur. Sondaı-aq Koreıanyń Ortalyq telegraf agenttigi (TsTAK) jarııalaǵan basqa sýretterde qoldarynda Soltústik Koreıa týy bar kórermenderdiń aldynan «Hvason-20» zymyranynyń ótip bara jatqan sáti kórsetilgen.

Memlekettik aqparat agenttiginiń habarlaýynsha, «Hvason-20» zymyranynyń ushý qashyqtyǵy Soltústik Koreıaǵa AQSh aýmaǵyndaǵy nysandardy nysanaǵa alýǵa múmkindik beredi. Parad barysynda KHDR áskeri «Hvason-20»-men qatar gıperdybystyq zymyrandardy qosa alǵanda, ózderiniń zamanaýı qarý túrlerin de tanystyrdy.

Osyǵan dein Soltústik Koreıanyń Qytaı mańynda qupııa baza salǵany týraly jazdyq.