KHDR AQSh pen Ońtústik Koreıanyń áskerı oqý-jattyǵýlarynyń saldary týraly eskertti

Soltústik Koreıa lıderi Kım Chen Ynnyń ápkesi AQSh pen Ońtústik Koreıanyń birlesken áskerı oqý-jattyǵýlaryna syn aıtyp, bul qolaısyz saldarǵa ákelýi múmkin ekenin eskertti, dep habarlaıdy Yonhap.

Soltústik Koreıanyń bıleýshi partııasy Ortalyq komıtetiniń departament dırektorynyń orynbasary Kım E Chjon odaqtastardyń ıadrolyq tejeý josparyna syn aıtyp, Phenıan bul oqý-jattyǵýlardy «qazirgi bıleýshilerdiń» qaqtyǵysqa beıim pozıtsııasynyń jalǵasy dep sanaıtynyn málimdedi.

— AQSh, Japonııa jáne Ońtústik Koreıa tarapynan orynsyz jerde kúsh kórsetý oıyny sózsiz qolaısyz saldarǵa alyp keledi, — dedi Kım E Chjon.

Vashıngton men Seýl 15-19 qyrkúıek aralyǵynda Ońtústik Koreıadaǵy AQSh Qarýly kúshteri shtabynyń Phenthek qalasynda ornalasqan Kemp-Hamfrıs bazasynda Iron Mace atty komandalyq-shtabtyq áskerı oqý-jattyǵýlaryn ótkizýdi josparlap otyr.

Bul Nuclear Consultative Group (ıAdrolyq keńesshi top) nusqaýlyqtaryna sáıkes bastalǵan Iron Mace oqý-jattyǵýlarynyń úshinshisi bolmaq.

Osy kezeńde Ońtústik Koreıa, AQSh jáne Japonııa Freedom Edge atty úshjaqty áskerı oqý-jattyǵýlaryn ótkizedi. Bes kúndik oqý-jattyǵýlar Ońtústik Koreıanyń Chedjý aralynyń shyǵysy men ońtústigindegi halyqaralyq sýlarda ótedi.

Buǵan deıin Kım Chen Yn Ońtústik Koreıa men AQSh-tyń birlesken oqý-jattyǵýlaryna qarsy pikir bildirgen edi.