KHDR AQSh-qa «belgisiz qarýmen» shabýyl jasaıtynyn aıtyp qoqan-loqy kórsetti
ASTANA. QazAqparat - Soltústik Koreıa bıligi AQSh pen Ońtústik Koreıanyń birlesken Ulchi Freedom Guardian oqýlaryna «belgisiz qarýmen» jaýap beretinin aıtyp qorqytty, dep habarlady CNN.
"AQSh Vashıngton tarapynan KHDR-ǵa qatysty sanktsııalar men blokadalardyń kúsheıtilgeni úshin áldeqaıda qatal ári qaýipti jaýap kútýi kerektigin túsinýi kerek", - degen KHDR Ulttyq qorǵanys komıteti ókiliniń sózderin telearna keltirdi.
"KHDR halqy men áskeri burynǵydaı osal emes", - dedi Soltústik Koreıanyń qorǵanys komıtetiniń ókili. Ol "KHDR - álemge belgisiz shabýyldaýshy qarýmen jáne qorǵanys qarýlarymen jabdyqtalǵan jeńilmeıtin kúsh" dedi, dep jazdy RIA Novostı .
Soltústik Koreıanyń jetekshi memlekettik telearnasy da AQSh-ty «materık qaýipsizdikte bolýy úshin» oqýlardy dereý toqtatýǵa shaqyrdy.
Pentagonda birlesken qorǵanys oqýlary jyl saıyn uıymdastyrylatynyn jáne álemde bolyp jatqan oqıǵalarǵa onyń qatysy joq ekenin aıtty.
