KHDR AQSh aldyn alý soqqylaryn jasasa, ıadrolyq shabýyl jasaıtynyn aıtyp ses kórsetti
ASTANA. QazAqparat - Qurama Shtattar KHDR boıynsha aldyn alý soqqylaryn jasasa, arty apatty saldarǵa alyp keledi. Bul týraly "Nodon sınmýn" gazetinde jarııalanǵan halyqtyq respýblıkanyń ulttyq komıtetiniń ókili aıtty, dep habarlady TASS.
Ol AQSh-tan «KHDR-ǵa qarsy baǵyttalǵan áskerı manevrlardy dereý toqtatýdy, Koreı jarty aralynda ornalasqan ıadrolyq quraldaryn áketýdi» talap etti.
«AQSh sananyń únine qulaq asyp, onyń apatty saldary jaıly oılanýy qajet», - dep atap ótti komıtet ókili. Ol sondaı-aq «mundaı árekettiń sál belgileri paıda bolǵan jaǵdaıda, Phenıan barlyq agressııa jáne arandatý bazasyn ıadrolyq shabýylmen joıatynyn eskertti».
AQSh jáne Ońtústik Koreıa ÁK 13 narýyzda birlesken Key Resolve komandalyq-shtabtyq oqý jattyǵýyn bastaǵan. Ol Koreı jarty aralynda amerıkalyq áskerdiń shuǵyl artý múmkindigin tekserýge baǵyttalǵan. Sonymen qatar jattyǵý Foal Eagle iri dalalyq manevrlermen jalǵasýda. Oǵan barlyq ásker qatysýda.
