KHDR 36 jylda alǵash ret partııa sezin shaqyrýdy uıǵardy
ASTANA. QazAqparat - KHDR-da 36 jylda alǵash ret Koreıa Eńbek partııasynyń sezi ótpek. Partııanyń Ortalyq Komıtetiniń Saıası bıýrosy «gúldengen sotsıalıstik derjava qurý» maqsatynda VII sezin ótkizedi, dep habarlady Bı-bı-sı.
«Búginde biz ózimizdiń qasıetti mindetterimiz - gúldengen sotsıalıstik ult qurylysynda úlken órleýge jáne partııany odan ári nyǵaıtýǵa qol jetkizýde qıyndyqtarǵa kezdesip otyrmyz», - delingen Saıası Bıýronyń sheshiminde.
Sezd kelesi jyldyń mamyr aıynda ótedi. Sezdiń kún tártibi ázirge jarııalanǵan joq. Alaıda sarapshylar onda el úshin mańyzdy sheshimder qabyldanatynyn aıtady. Kıodo agenttiginiń málimetteri boıynsha, sezd partııanyń 70 jyldyǵyna oraı shaqyrylýy múmkin, onyń saltanatty sharalary bıylǵy jylǵy qazan aıynda ótti. Agenttiktiń paıymdaýynsha, el basshylyǵyndaǵy partııanyń róli kúsheıtilip, qoǵamdy nyǵaıtýdyń jańa baǵyty usynylýy múmkin.
Koreıa Eńbek partııasynyń sońǵy sezi 1980 jyly ótti - onda Kım Ir Sen Kım Chen Irdi resmı túrde óziniń murageri etip jarııalady. Eldiń qazirgi kóshbasshysy Kım Chen Yn sezge alǵash ret qatysady.
Koreıa túbegi áli de soǵys jaǵdaıynda dep sanalady, óıtkeni, 1950-1953 jyldardaǵy soǵystan keıin beıbit shartqa emes, tatýlasý týraly qujatqa ǵana qol qoıyldy. KHDR men Ońtústik Koreıa shekarasynda áli kúnge deıin únemi janjaldar bolyp turady.
