«Khabar Cup-2017» týrnıriniń jeńimpazdary anyqtaldy
ASTANA. QazAqparat - «Khabar Cup-2017» týrnıriniń jeńimpazdary anyqtaldy, dep habarlady «Habar» arnasynyń resmı saıtynda.
Shaǵyn fýtboldan buqaralyq aqparat quraldary arasyndaǵy sporttyq doda osymen 3-ret uıymdastyryldy. Respýblıka boıynsha 16 komanda qatysqan bul shara «Habar» Agenttiginiń qurylǵan kúni men «Habar 24» telearnasynyń 5 jyldyq mereıtoıyna arnaldy.
Sporttyq dodada týrnır kýbogyn «Qazaq TV» komandasy jeńip alsa, 2- tuǵyrǵa «Qazaqstan» arnasy jaıǵasty.
Al úshinshi júldeli oryn «Dıksınıýstiń» jigitterine buıyrdy.
Oıynshylardyń da ózara myqtylary anyqtaldy. Úzdik oıynshy - Jasulan Qasymberkebaev, úzik qaqpashy - Ulan Tóleýhanov, úzdik qorǵaýshy - Tórebı Nurlanov, al sheber shabýylshy Beksattar Sattar atandy.
Chempıondar men júldegerler arnaıy kýbok, medal jáne baǵaly syılyqtarmen marapattaldy.
«Khabar Cup-2017» týrnıri kelesi jyly da jalǵasyn tabady.
