QHA jyly aıasynda 30 myńnan astam shara ótti - G.Ábdiqalyqova (FOTO)
Sharaǵa qatysýshylar Qazaqstan halqy Assambleıasy jylynyń qorytyndysyn, 2025 jylǵa deıin QHA-ny damytý tujyrymdasynyń jobasyn jáne basqa da máselelerdi talqylaýda.
«Bizdiń keńesimiz qoǵamymyzdaǵy konfessııaaralyq úndestiktiń, azamattyq jáne rýhanı bastamalardyń negizgi úılesýiniń sımvolyna aınalǵan Rýhanı kelisim kúni qarsańynda ótýde. Búgin keńeste «Ult jospary 100 naqty qadam. Barlyǵyna arnalǵan qazirgi zamanǵy memleket» aıasynda bolashaǵy birtutas ult reformasynyń basty máseeleri qaralatyn bolady», - dedi otyrysty ashqan QR Memlekettik hatshysy Gúlshara Ábdiqalyqova.
Onyń atap ótýinshe, óńirlerdegi jumys QHA jumysynyń basty baǵyty bolyp sanalady. Máselen, onyń alǵa tartqan derekterine qaraǵanda, QHA jyly aıasynda 30 myńnan astam áleýmettik jobalar men aktsııalar 8,5 mln. adamnyń qatysýymen ótken.
«Jyldyń barlyq is-sharalarynyń «Máńgilik el» jalpyulttyq patrıottyq ıdeıanyń bazalyq qundylyqtary negizinde qalyptasýy aıryqsha mańyzǵa ıe», - dedi G.Ábdiqalyqova.
Otyrysqa QR Prezıdenti Ákimshiligi basshysynyń orynbasary Baǵlan Maılybaev, QHA Tóraǵasynyń orynbasary Eraly Toǵjanov, QHA keńesiniń músheleri, Májilis depýtattary, Qazaqstannyń qoǵam qaıratkerleri, sonymen qatar Reseı Halyqtar assambleıasy keńesiniń tóraıymy Svetlana Smırnova, reseılik ánshi, mádenıet qaıratkeri Iosıf Kobzon qatysýda.
