QHA «Jomart jan» qoǵamdyq nagradasyn taǵaıyndaıdy
«Assambleıanyń aıasynda aýqymdy respýblıkalyq aktsııalar, qaıyrymdylyq uıymdar men metsenattar ókilderiniń respýblıkalyq sezderin ótkizý boıynsha júıeli jumys uıymdastyrylyp jatqanyn atap ótýimiz kerek. Bul rette Assambleıa qazirdiń ózinde «Jomart jan» tósbelgisi» qoǵamdyq nagradasyn taǵaıyndaý boıynsha is júzinde jumystar júrgizip otyr. Memlekettik saıasattyń mańyzdy mindetteriniń biri 100-den astam etnos ókilderi turyp jatqan elimizdegi qoǵamdyq kelisim men jalpyulttyq birlikti nyǵaıtý bolyp tabylatyny belgili. Bul baǵyttaǵy jumystar barlyq memlekettik organdar, uıymdar jáne mekemeler tarapynan júrgizilip otyr. Osy baǵyttaǵy úılestirýshi jáne moderator rólin Qazaqstan halqy Assambleıasy atqarýda», - dedi ol.
Onyń aıtýynsha, búgingi tańda Assambleıanyń atqarýshy organy retinde «Qoǵamdyq kelisim» respýblıkalyq memlekettik mekemesi jumys istep keledi. Memleket basshysynyń 2014 jylǵy 17 maýsymdaǵy Jarlyǵymen Qazaqstan Respýblıkasynyń Prezıdenti janynan «Qoǵamdyq kelisim» respýblıkalyq memlekettik mekemesi qurylǵan. Ol Assambleıanyń qyzmetin qamtamasyz etýge baǵyttalǵan atqarýshy organnyń fýnktsııasyn atqarýda. Al óńirlik deńgeıde Dostyq úıleri negizinde oblystardyń, Almaty jáne Astana qalalarynyń ákimderi apparattarynyń janynan «Qoǵamdyq kelisim» kommýnaldyq memlekettik mekemeleri jumys isteıdi.
«Osyǵan baılanysty, Zań jobasynda «Qoǵamdyq kelisim» respýblıkalyq memlekettik mekemesine, sondaı-aq «Qoǵamdyq kelisim» jergilikti memlekettik mekemelerine Assambleıanyń atqarýshy organy mártebesin bekitý jáne onyń qyzmetin zańnamalyq deńgeıde retteý usynylyp otyr. Sonymen qatar oblystardyń, Astana jáne Almaty qalalarynyń Assambleıalary apparattarynyń fýnktsııalaryn keńeıtý qarastyrylýda. Osyǵan baılanysty, oblystardyń, Astana jáne Almaty qalalarynyń ákimdikteri janyndaǵy Assambleıa apparattary ókilettikterine birqatar fýnktsııalar qosyp, olardyń fýnktsııalaryn keńeıtý usynylady», - dedi mınıstr.
Sonymen qatar, onyń aıtýynsha, Assambleıanyń etnomádenı birlestikterine qatysty jańa erejeler engiziledi. Bul olardyń qyzmetterin, mártebesin, sondaı-aq olardyń dástúrlerdi, tilderdi, mádenıetti saqtaý men damytýǵa baǵyttalǵan qyzmetin memlekettik turǵydan qoldaý máselesin reglamentteıtin bolady.
«Buǵan qosa, etnomádenı birlestikter ınstıtýtyn jetildirýge, sondaı-aq olardy Assambleıanyń belsendi jumysyna jumyldyrýǵa baǵyttalǵan etnomádenı birlestikterdi qoǵamdyq akkredıtteýdi qarastyratyn normalar engizý usynylyp otyr. Osylaısha, búgingi tańda etnomádenı birlestikter memlekettik etnosaıasatty júzege asyratyn tutastaı derbes ınstıtýt ekendigin eskere otyryp, salalyq Zańda olardyń qyzmetin anyqtaýdy jón sanadyq. Sońǵy negizgi ózgeristerdiń biri etnomádenı birlestikterdi memlekettik turǵydan qoldaý máselesi bolyp otyr. ıAǵnı, Zań jobasyna «Assambleıanyń etnomádenı birlestikteriniń dástúrlerdi, tilderdi, mádenıetti saqtaý jáne damytý salasyndaǵy qyzmetin memlekettik qoldaý» atty jańa bap engizý usynylady. Bul normada memlekettik qoldaýdyń tetigi, sondaı-aq memlekettik organdardyń quzyreti sheńberinde Assambleıaǵa járdemdesý tetikteri kózdelgen», - dedi Arystanbek Muhamedıuly.
Aıta keterligi, Májilis depýtattary zań jobasyn biraýyzdan maquldap, qaýly qabyldady.
