QHA: Joldaýdaǵy maqsat-mindetterdi tabysty júzege asyrýdyń joldary naqtylandy

TÚRKІSTAN. QazAqparat - Túrkistan oblysynda Qazaqstan halqy Assambleıasynyń uıymdastyrýymen  QR Prezıdenti Nursultan Nazarbaevtyń Qazaqstan halqyna arnaǵan Joldaýyn saraptaýǵa arnalǵan  jıyn ótti, dep habarlaıdy óńir basshysynyń baspasóz qyzmeti.

Qazaqstan halqy Assambleıasynyń biryńǵaı kúni aıasynda ótken  májiliske oblys basshylyǵy, oblystyq assambleıa hatshylyǵynyń jáne «Qoǵamdyq kelisim» KMM-nyń qyzmetkerleri, etnomádenı birlestikterdiń tóraǵalary,  oblystyq assambleıa janyndaǵy qurylymdardyń jetekshileri men músheleri,  joǵary oqý oryndaryndaǵy «Qazaqstan halqy Assambleıasy» kafedrasynyń oqytýshylary men jastar qatysty. 

Jıynda assambleıa músheleri Joldaýdaǵy halyqtyń ál-aýqatyn arttyrý, turmys sapasyn jaqsartý, kásipkerlik úshin qolaıly orta qalyptastyrý, bilim men densaýlyq saqtaý salalaryn ilgeriletý, quqyq qorǵaý júıesinde sapalyq reforma júrgizý, otandyq ónerkásipti damytý, aýyl sharýashylyǵyn órkendetý syndy mańyzdy baǵyttar aıasyndaǵy maqsat-mindetterdi júzege asyrý joldaryn sóz etti.

Jıynda Túrkistan oblysy ákiminiń orynbasary Ulasbek Sádibekov baǵdarlamalyq qujattyń mańyzyna toqtalyp, Elbasy belgilegen maqsat-mindetterdi iske asyrýda assambleıa músheleriniń belsendilik tanytatynyna senim bildirdi.

- Joldaýda aıtylǵandaı: Árbir qazaqstandyq júrgizilip jatqan reformalardyń mánin jáne olardyń Otanymyzdy órkendetý jolyndaǵy mańyzyn jete túsinýi qajet. Bul baǵyttaǵy jumystarǵa óńirdegi assambleıa músheleri jumyldyrylǵany durys. Turmysymyzdyń túzelip, ómirimizdiń óristi bolýy jolynda memlekettimiz de, Elbasymyz da aıanyp qalyp jatqan joq. Jasalyp jatqan baǵdarlamalar, strategııalyq joba-jospardyń barlyǵy elimizdiń eńseli, halqymyzdyń qýatty bolýyn kózdeıdi. Biraq bul jumystardyń barlyǵy qoǵam bolyp qoldaýdy, jurt bolyp jumylýdy talap etedi, - U.Sádibekov.

Sonymen qatar, Túrkistan oblystyq QHA janyndaǵy ǵylymı-sarapshylyq toptyń múshesi, M.Áýezov atyndaǵy Ońtústik Qazaqstan memlekettik ýnıversıtetiniń professory Nıgmatjan Almetovtyń, Shymkent qalalyq koreı etnomádenı birlestiginiń tóraıymy Roza Paktyń, Túrkistan oblystyq QHAjanyndaǵy «Jańǵyrý joly» respýblıkalyq jastar qozǵalysy óńirlik shtabynyń múshesi Abylaı Musabekovtyń habarlamasy tyńdalady.

Jıyn sońynda qatysýshylar erkin pikir almasyp, Joldaý aıasyndaǵy maqsat-mindetterdi tabysty júzege asyrýdyń joldaryn naqtylady.