QHA jalaýy Soltústik polıýste jelbiredi (FOTO)

ASTANA. QazAqparat - Birinshi qazaqstandyq shańǵy ekspedıtsııasy 14 sáýir kúni Soltústik polıýske QR-nyń memlekettik týyn, Qazaqstan halqy Assambleıasynyń baıraǵyn jáne Qazaqstannyń 2017-2018 jyldarǵa arnalǵan BUU Qaýipsizdik keńesine turaqty emes músheligine bergen ótinimin ornatty.

Facebook-te jarııa etilgen Qazaq geografııalyq qoǵamynyń aqparatynda ekspedııa quramynda Nurlan Ábdýov, Sergeı Bodrov, Konstantın Orlov jáne Baqyt Kerimjanovtyń bolǵany jazylǵan.

Ekspedıtsııa naýryz aıynyń sońǵy kúnderiniń birinde Almatydan Osloǵa ushyp shyǵyp, odan ary Longıırge (Shpıtsbergen araly) saparlaǵan. Onda qazaqstandyqtar 31 naýryz ben 3 sáýir aralyǵynda ekspedıtsııaǵa daıyndalyp, 4 sáýir kúni Longıırden Barneo muzdy aerodromyna ushaq arqyly jetken. Dál osy jerden ekspedıtsııa Soltústik polıýske jol tartýy tıis bolatyn. Longıırge jetkennen keıin ekspedıtsııa músheleri sol jerdiń turǵyndaryna qazaqtyń dastarhanynan dám tatyryp, túrli kádesyılar tartý etti. Aıta keterligi, 2012 jyly tanymal qazaqstandyq sportshy Ashat Qaratabanov halyqaralyq ekspedıtsııa quramynda Soltústik polıýske parashıýtpen túsip, onda elimizdiń kók baıraǵyn jelbiretken bolatyn.