QHA Túrkistan oblysyndaǵy sý tasqynyna baılanysty gýmanıtarlyq aktsııa bastady

NUR-SULTAN. QazAqparat - Qazaqstan halqy Assambleıasy Túrkistan oblysynyń Maqtaaral aýdanyndaǵy ahýalǵa baılanysty sý tasqynynan zardap shekken aýyl turǵyndaryn qoldaýǵa arnalǵan gýmanıtarlyq aktsııa basta, dep habarlaıdy QazAqparat assambleıanyń baspasóz qyzmetine silteme jasap.

«Qazirgi kezde halyqqa azyq-túlik, gıgıenalyq zattar men birinshi kezekte qajetti taýarlardy jetkizý kerek. Osyǵan baılanysty Qazaqstan halqy Assambleıasynyń múshelerin, etnomádenı birlestik basshylaryn, Dostyq úıleri janyndaǵy QHA volonterler ortalyqtaryn sý tasqynynan zardap shekken Maqtaaral aýdanynyń turǵyndaryna jiberý úshin qarajat, azyq-túlik taǵamdaryn, tirshilik etýge birinshi kezekte qajet bolatyn taýarlardy jınaýdy uıymdastyrýǵa shaqyramyz»,-delingen habarlamada.

Kómekti jınaý úshin Shymkent qalasyndaǵy Dostyq úıiniń bazasynda Qazaqstan halqy Assambleıasynyń Respýblıkalyq jedel is shtaby uıymdastyrylady. Ony Túrkistan oblystyq QHA hatshylyǵynyń meńgerýshisi Rysbekov Ǵanı Qurmashuly basqaratyn bolady.