QHA «Tuńǵysh Prezıdent jolymen: Beıbitshilik pen kelisimniń 30 jyly» teleekspedıtsııasyn ótkizedi
«QR Táýelsizdiginiń 30 jyldyǵyn toılaý aıasynda «Tuńǵysh Prezıdent jolymen: Beıbitshilik pen kelisimniń 30 jyly» halyq ekspedıtsııasyn jalǵastyramyz. Bul joba ótken jyly Qazaqstan halqy Assambleıasynyń 25 jyldyǵy aıasynda júzege asqan edi. Jobanyń maqsaty – Táýelsizdiktiń 30 jyldyǵynda QR Tuńǵysh Prezıdenti N. Nazarbaevtyń ulttyq egemendik pen táýelsizdikti nyǵaıtýdaǵy, birlik pen kelisim saıasaty qundylyqtarynyń negizgi ıdeıalaryn qoǵamdyq sanaǵa engizý men tabysty qalyptasqan memleket qurýdaǵy mańyzdy rólin kórsetý», - dedi M. Bekbaeva Táýelsizdiktiń 30 jyldyǵy men Alǵys aıtý kúniniń 5 jyldyǵyna arnalǵan dóńgelek ústelde.
Bıyl «Tuńǵysh Prezıdent jolymen: Beıbitshilik pen kelisimniń 30 jyly» QHA jobasy elimizdiń barlyq óńiri boıynsha televızııalyq formatta ótedi. Tanymdyq janrda Táýelsizdik jyldary turǵyzylǵan mańyzdy nysandar men ǵımarattar kórsetiledi.
«Árbir óńirdegi Qazaqstan halqy qalaı turyp jatyr, ultaralyq kelisim qalaı qoldaý tapty, elimizdegi túrli etnostardyń óz ereksheligin saqtaı otyryp, qazaq halqynyń ajyramas bóligine qalaı aınaldy, osy suraqtardyń bárine «Tuńǵysh Prezıdent jolymen: Beıbitshilik pen kelisimniń 30 jyly» teleekspedıtsııasy jaýap beredi. Jobamyzǵa etnomádenı birlestikterdiń aktıvi, ásirese óńirlerdegi ǵalymdar men zııaly qaýym, jastar keńinen qatysady. Ár aımaqtyń mysalynda beıbitshilik pen kelisim saıasatynyń negizgi mejeleri men kezeńderin qarastyramyz. Táýelsizdiktiń 30 jylynda turǵyzylǵan nysandar men ǵımarattardy, Dostyq úılerin, Beıbitshilik pen kelisim ortalyqtaryn kórsetemiz. Bul naǵyz beıbitshiliktiń, kelisim men dostyqtyń teleekspedıtsııasy bolmaq», - deıdi Maıa Bekbaeva.
Joba 5 serııadan turady jáne Qazaqstannyń soltústik, batys, shyǵys, ońtústik jáne ortalyq bóligin qamtıdy.
«Joba zamanaýı trevel tanymdyq shoý formatynda qurylady. Biz adamdarmen júzdesemiz, túrli nysandarǵa baramyz, ár óńirdiń tarıhyna júginemiz. Teleekspedıtsııa qorytyndysy QR Tuńǵysh Prezıdent kúni qarsańynda kórsetiledi. Bizdiń jobamyzdyń jetkizgisi keletin taǵy bir ıdeıasy – bárimizge Elbasymen birge jańa Táýelsiz Qazaqstandy qurý mártebesi berilip otyr», - dedi Maıa Bekbaeva.
Aıta keteıik, 2016 jyldyń 14 qańtarynda Elbasy Nursultan Nazarbaev Jarlyqqa qol qoıyp, 1 naýryz - Alǵys aıtý kúni dep jarııalandy. Dál osy 1 naýryz kúni elimizde Qazaqstan halqy Assambleıasy qurylǵan bolatyn.
