QHA Tóraǵasynyń orynbasarlyǵyna L.Pıtalenko men R.Halmýradov taǵaıyndaldy

ASTANA QazAqparat - Qazaqstan halqy Assambleıasy Tóraǵasynyń orynbasarlary bolyp Leonıd Pıtalenko men Rozaqul Halmýradov taǵaıyndaldy. Olardy taǵaıyndaý týraly ókimge QR Prezıdenti Nursultan Nazarbaev «Táýelsizdik. Kelisim. Bolashaǵy birtutas ult» kún tártibimen ótken Qazaqstan halqy Assambleıasynyń XXIV sessııasynda qol qoıdy.

«Biz ótken sessııadan osy ýaqytqa deıin jumys istegen Lıýbov Nı men Oleg Dymovqa alǵysymyzdy bildiremiz. Ókinishke oraı, O.Dymov aramyzda joq. Ol taıaýda qaıtys boldy, jatqan jeri jaıly bolsyn», - dedi N.Nazarbaev.
Osydan keıin, Assambleıa keńesi tóraǵa orynbasary laýazymyna «Belarýs mádenı ortalyǵy» qoǵamdyq birlestiginińtóraǵasy Leonıd Pıtalenko men Qazaqstandaǵy ózbekterdiń qoǵamdyq birlestigi qaýymdastyǵynyń qurmetti tóraǵasy Rozaqul Halmýradovty usyndy.
«Biz bul kandıdatýralardy jaqsy bilemiz. Eger, qarsylyq bolmasa, sizderdiń aldaryńyzdy taǵaıyndaımyn», - dedi QR Prezıdenti.