QHA tóraǵasy retinde Elbasy onyń qyzmetin damytatyn bolady - Aslan Rahymbergenov

QARAǴANDY. QazAqparat - Qarqaraly aýdany «Jastar resýrstyq ortalyǵynyń» dırektory Aslan Rahymbergenov Qazaqstan halqy Assambleıasynyń aldaǵy kezekti XXVII sessııasynan jastar ne kútetinin aıtty, dep habarlaıdy QazAqparat tilshisi.

QHA kezekti sessııasy qarsańynda Qaraǵandy oblysy Qarqaraly aýdanynyń jastary Assambleıa qyzmetiniń damýyna zor úmit bildirdi. Jastar resýrstyq ortalyǵy dırektorynyń aıtýynsha, jańa urpaq kópultty elimizdi nyǵaıtatyn jańa bastamalar men jańa strategııalardy kútedi.

«Tóraǵa retinde Elbasy QHA jumysyn odan ári damytyp, assambleıa sheńberinde zaman talabyna saı máselelerdi kóterip, olardy sheshý joldaryn usynady. Aldaǵy sessııa barysynda QHA jumysynyń jańa baǵytqa bet alýyn, jańa bastamalar men jańa strategııanyń jarııalanýyn kútemiz. Jyl basynda Qaraǵandy oblysynda oryn alǵan oqıǵa QHA qoǵamdaǵy rólin odan ári arttyrý kerek ekendigin kórsetti», - deıdi Aslan Rahymbergenov