QHA saılaıtyn Parlament Májilisiniń depýtattyǵyna kandıdattardyń saılaý aldyndaǵy úgiti bastaldy
«2016 jylǵy 6 naýryzda Qazaqstan halqy Assambleıasy saılaıtyn Parlament Májilisiniń depýtattyǵyna kandıdattardyń saılaý aldyndaǵy úgiti bastaldy, ol 2016 jylǵy 19 naýryzda saǵat 24:00-de aıaqtalady», - dedi T.Ohlopkova.
Onyń eske salyp ótkenindeı, 2 naýryzda QR OSK Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń depýtattyǵyna kandıdattardyń úgit jumysyna respýblıkalyq bıýdjet qarajatynan qarjylandyrylatyn shyǵystarynyń mólsherlerin bekitti.
Teledıdar boıynsha saılaýaldy baǵdarlamamen shyǵýǵa árbir kandıdatqa 139000 teńge bólinedi; baǵdarlamamen radıoda baǵdarlamamen shyǵýǵa - 82000 teńge, baspa basylymdarynda eki maqala jarııalaýǵa - 178000 teńge; saılaýshylarmen kezdesýler úshin úı-jaıdy jalǵa alýǵa - 33000 teńge; úgittik baspa materıaldaryn basyp shyǵarýǵa - 66000; kóliktik shyǵystarǵa - 132000 teńge.
«Buǵan qosa, respýblıkalyq bıýdjetten QR OSK belgilegen málimetterdiń standartty jıyntyǵymen biryńǵaı standartta kandıdattar týraly aqparattyq plakattar ázirleýge aqsha bólinedi, olar Astana qalalyq saılaý komıssııasynda jáne daýys berýge arnalǵan úı-jaıda ornalastyrylady» - dep atap ótti ol.
T. Ohlopkova, Qazaqstan halqy Assambleıasy saılaıtyn Parlament Májilisiniń depýtattyǵyna kandıdattardyń buqaralyq aqparat quraldaryna kedergisiz jáne teń qol jetkizýine saılaý zańnamasy kepildik beretinin atap ótti.
BAQ tirkelgen barlyq kandıdattarǵa efır ýaqyty men baspasóz betinen oryn berýde teń jaǵdaılar jasaýy tıis.
Kandıdattardyń barlyq úgittik baspa materıaldarynda sol materıaldardy shyǵarǵan uıym, olar basylǵan jeri men taralymy, tapsyrys jasaǵan tulǵalar, qandaı qarajattan tólengendigi týraly málimetter bolýǵa tıis.
Ygittik baspa materıaldaryn Qazaqstan Respýblıkasynyń aýmaǵynan tysqary jerlerde daıyndaýǵa, anonımdik úgit materıaldaryn taratýǵa tyıym salynady.
«Qazaqstan halqy Assambleıasy saılaıtyn Parlament Májilisiniń depýtattyǵyna kandıdattardyń úgit naýqany saılaý zańnamasynyń talaptaryna sáıkes ótetine jáne barlyq kandıdattar belgilengen tártipti ustanatynyna senim bildiremiz» - dep túıdi sózin T. Ohlopkova brıfıng sońynda.
