QHA saıası qýǵyn-súrgin qurbandaryn eske alýǵa arnalǵan sharalar ótkizedi

Bul týraly atalǵan assambleıasynyń baspasóz qyzmetinen habarlady.

Qýǵyn-súrginge ushyraǵandar urpaqtarymen kezdesý «dóńgelek ústel» aıasynda uıymdastyrylady. Oǵan «ALJIR-diń» tutqyny bolǵan - L.M. Frenkeldiń nemeresi Darıa Vıolına, «GÝLAG-tyń» tutqyny bolǵan S.Pavlovskııdiń urpaǵy, «RISK» kınokompanııasynyń rejıssery (RF, Máskeý) Sergeı Pavlovskıı, qýǵyn-súrginge ushyraǵan azamattyń nemeresi, Aqmol selolyq okrýgi ákiminiń orynbasary Aıgúl Seıitjanova, «ALJIR» tutqynynyń urpaǵy Aleksandr Taıǵalınov, qýǵyn-súrginge ushyraǵan azamattyń qyzy Kúlpash Qapanqyzy Muhamedjanova, qýǵyn-súrginge ushyraǵan azamattyń nemeresi Perızat Sadýaqas bar.

Kezdesýge Qazaqstan halqy Assambleıasynyń músheleri, Parlament depýtattary, ǵalymdar men zertteýshiler, memlekettik organdar, shyǵarmashylyq ıntellıgentsııa ókilderi, murajaı jáne muraǵat qyzmetkerleri qatysady.

Saıası qýǵyn-súrgin qurbandaryna arnalyp Eske alý qabyrǵasyna gúl shoǵyn qoıý, únsizdik sáti jáne mıtıng ótedi. Qatysýshylar men shaqyrylǵandar úshin murajaı-memorıaldyq keshende ekskýrsııa uıymdastyrylady.

Qasiret qaqpasynda Qazaqstan halqy Assambleıasynyń qoldaýymen «Tarıhtan taǵylym - ótkenge taǵzym: ALJIR - KarLAG» atty avtosherýdi bastaýǵa arnalǵan mıtıng ótedi. 30-31 mamyrda, eki kún boıy oǵan qatysýshylar sherý baǵytymen júrip ótip, Astana qalasynda «Qazaqstan» Ortalyq kınokontsert zalynda «Jeruıyq» kórkemfılminiń tusaýkeserine qatysady. Sondaı-aq Osakarovka aýylynyń turǵyndarymen kezdesip, Dolınka aýylynda jáne Spasski memorıaldyq kesheninde eske alý sharalaryn ótkizedi. E.Bóketov atyndaǵy Qaraǵandy memlekettik ýnıversıtetinde ótetin «Tarıhtan taǵylym - ótkenge taǵzym» atty ǵylymı-tájirıbelik konferentsııaǵa qatysady.