QHA sarapshylardy Ortalyq Azııadaǵy mańyzdy máselelerdi talqylaýǵa jumyldyrdy
Qazaqstan halqy Assambleıasy tóraǵasynyń orynbasary - Hatshylyq meńgerýshisi Leonıd Prokopenkonyń sózine qaraǵanda, Ortalyq Azııa ǵylymı sarapshylyq keńesi ózekti problemalardy talqylaıtyn turaqty alańǵa aınaldy.
«Álemde jáne bizdiń óńirde qarqyndy etnodemografııalyq, etnomádenı ári mıgratsııalyq protsester júrip jatyr. Bul óz kezeginde olarǵa jan-jaqty taldaý júrgizýdiń ózektiligin arttyryp otyr», - dep toqtaldy ol.
L. Prokopenkonyń paıymynsha, álemdegi kókeıtesti máselelerdiń biri - ol májbúrli kóshi-qon men dinı ekstremızm.
«Qazirgi kezde eń aýqymdy qonys aýdarý jaǵdaıy baıqalýda. 2016 jyldyń sońynda barsha álemde 65 mıllıonnan astam adam qaqtyǵystar men qýdalaý saldarynan óz úılerin tastap ketýge májbúr boldy. 2017 jyly olardyń sany taǵy da 2 mıllıon adamǵa artty. Kóptegen óńirler úshin dinı ekstremızm ózekti problemaǵa aınalǵany belgili. Osy úrdisterdiń barlyǵy bizdiń óńirde turaqtylyqty saqtaýdyń mańyzdylyǵyn taǵy da kórsetip otyr», - dedi ol. 
Osy oraıda Leonıd Prokopenko Ortalyq Azııadaǵy ǵylymı qoǵamdastyq sarapshylary etnosaralyq qatynastardyń zamanaýı úrdisterine taldaý júrgizýi mańyzdy ekenin qadap aıtty. Bul turǵyda bolýy múmkin táýekelderdi anyqtaý úshin tıisti jumystarǵa nazar aýdarǵan jón.
Osyǵan deıin Qazaqstan halqy Assambleıasynda jas basqarýshylar korpýsy paıda bolatyndyǵy týraly jazǵanbyz.
