QHA resmı saıty men «El.kz» ınternet portaly biryńǵaı ınternet platformaǵa aınaldy
Búgin «Qazkontent» AQ-y tóraǵasynyń mindetin atqarýshy Zarına Qulumbetova Qazaqstan halqy Assambleıasy Tóraǵasynyń orynbasary – Hatshylyq meńgerýshisi Janseıit Túımebaevqa Qazaqstan halqy Assambleıasynyń «assembly.kz» saıtymen biriktirilip, jańartylǵan «el.kz» aqparattyq-tanymdyq portalyn jańa formatta tanystyrdy.
Atalmysh eki ınternet portal óz jumysyn jańa formatta osy jyldyń aqpan aıynyń orta sheginde bastaıdy dep josparlanyp otyr.
Jańartylyp, tolyqtyrylǵan «el.kz» saıtynda oqyrman Qazaqstannyń kóptúrli mádenıetimen, ár ulttyń salt-dástúrimen, elimizdiń baı tabıǵatymen, el ishinen shyqqan tulǵalar esimderimen tanysa alady. Sondaı-aq, portalda Qazaqstan halqy Assambleıasynyń qyzmetine qatysty jáne elimizdegi qoǵamdyq-saıası, áleýmettik-mádenı aqparattyq sıpattaǵy materıaldar jarııalanyp otyrady.
Tanystyrylym barysynda «assembly.kz» ınternet portaly Assambleıanyń resmı paraqshasy retinde korporatıvti nusqada saqtalatyndyǵy da aıtyldy. Korporatıvti saıtta negizinen aqparattandyrý qyzmetine basymdyq beriledi. Munda derbes saıt retinde Assambleıanyń basshylyǵy, qurylymy, normatıvti-quqyqtyq bazasy, sessııalyq jumysy men kúndelikti qyzmetine baılanysty aqparattar jarııalanatyn bolady.
