QHA ózine júktelgen mindetterdi laıyqty oryndaýda - Tóleýǵalı Býrbaev
Mundaı pikirdi QHA Ǵylymı-sarapshylyq keńesiniń múshesi, QR Joǵarǵy soty janyndaǵy Sot tóreligi akademııasy áleýmettik-gýmanıtarlyq ǵylymdar kafedrasynyń meńgerýshisi Tóleýǵalı Býrbaev aıtty, dep habarlaıdy QazAqparat.
«Qazaqstan halqy Assambleıasy postkeńestik keńistiktegi biregeı qubylys. Ol ultaralyq kelisimdi, qoǵamdaǵy turaqtylyqty nyǵaıtýǵa negizdelgen jáne óziniń fýnktsııasyn laıyqty deńgeıde oryndap keledi. Osy baǵyttaǵy basty eńbek Tuńǵysh Prezıdent Nursultan Nazarbaevqa tıesili. Búginde Assambleıa Prezıdent Joldaýyn júzege asyrýǵa belsendi qatysýda. Atap aıtqanda, áleýmettik máseleler QHA nazarynan tys qalǵan emes», - dedi T. Býrbaev.
Ǵalym Assambleıanyń kezekti sessııasy 9 maýsymǵa belgilengen prezıdenttik saılaý, ıaǵnı eldiń mańyzdy saıası oqıǵasy aldynda ótetinin atap ótti. Sonymen qatar T. Býrbaev Assambleıa Tóraǵasy, Tuńǵysh Prezıdent-Elbasy Nursultan Nazarbaevtyń barlyq bastamalaryn QHA músheleri qoldaıtynyn jetkizdi.
«Meniń oıymsha, Assambleıa ókilderi mańyzdy saıası shara bolyp sanalatyn Qazaqstan Prezıdenti saılaýyna belsendi qatysýy kerek», - dedi ol.
