QHA-nyń jylyn atap ótýge tanymal shetel ártisteri shaqyrylmaıdy - E.Toǵjanov

ASTANA. QazAqparat - Qazaqstan halqy Assambleıasy jylyn toılaý barysynda shetelderden tanymal ártister shaqyrylmaıtyn bolady. Bul týraly búgin «Astana-Ankara» qazaq-túrik medıakonferentsııasynda Qazaqstan halqy Assambleıasy Tóraǵasynyń birinshi orynbasary Eraly Toǵjanov málim etti.

«Tilshiler jaqynda maǵan mynadaı saýaldar qoıdy: Tanymal jáne dańqty ártisterdi shaqyrýǵa qansha qarajat bólindi? Josparlanǵan sharalardy ótkizýge qansha aqsha jumsalady? Men bul saýaldardyń túp-tórkinin uqtym - álemde daǵdarys dendep tur, al QHA keń kólemde toı jasamaq. Men eshqandaı tanymal ártister bolmaıtynyn aıttym. Assambleıa jyly - naqty isterdiń jyly», - dedi E.Toǵjanov.

Onyń sózine qaraǵanda, QHA áleýmettik baǵytta úlken jobany bastady.

«Bul beıbitshilik pen kelisimniń jol kartasy dep atalady jáne onyń aıasyndaǵy kómek bizdiń shalǵaı aýyldarǵa jetýi tıis. Etnıkaaralyq kelisimdi nyǵaıtý degen osy dep túsinemin», - dep atap ótti ol.