QHA-nyń basty róli - ultaralyq qarym-qatynastardy úndestirý - «Sharyk» tájik ulttyq mádenı ortalyǵynyń tóraǵasy

ASTANA. 27 sáýir. QazAqparat - Qazaqstan halqy Assambleıasynyń basty róli -  ultaralyq qarym-qatynastardy úndestirý.

Bul pikirdi búgin QR Prezıdenti Nursultan Nazarbaevtyń tóraǵalymen ótken Qazaqstan halqy Assambleıasynyń HІH sessııasynan keıin «Sharyk» tájik ulttyq mádenı ortalyǵynyń tóraǵasy Ergashvoı Holmetov bildirdi.

«Búgingi tańda bizdiń respýblıkamyzda turyp jatqan etnostar beıbitshilik pen kelisimde tirshilik etýde. Al bul degenińiz Qazaqstan halqy Assambleıasynyń óziniń eń basty mindetin oryndady degen sóz», - dedi ol.

E.Holmetovtiń atap ótýinshe, elimizde balalarǵa qazirgi ýaqytta óz ana tilimen qatar qazaq, orys jáne aǵylshyn tilderinde oqýǵa jol ashylyp otyr. Demek, olardyń bolashaqta Qazaq eliniń básekege qabiletti azamaty bolýyna tolyq múmkindikteri bar.