QHA-nyń Astana qalalyq ókildigi jyl saıynǵy qaıyrymdylyq aktsııasyn ótkizdi

ASTANA. QazAqparat - Qazaqstan halqy Assambleıasynyń Astana qalasyndaǵy ókildigi qarttar men múgedekterge arnalǵan medıtsınalyq-áleýmettik mekemede jyl saıynǵy qaırymdylyq aktsııasyn ótkizdi, dep habarlaıdy elorda ákimdiginiń baspasóz qyzmeti.

Aktsııa áleýmettik jaǵynan az qamtylǵan turǵyndardy qoldaýǵa jáne olardyń máselelelerine qoǵam nazaryn aýdarýǵa, sondaı-aq Qazaqstan halqy Assambleıasynyń «Úlken el - úlken otbasy» jalpyulttyq jobasyn júzege asyrýǵa baǵyttalady.

Іs-sharaǵa QHA músheleri, memlekettik organ, qoǵamdyq uıymdar, etnomádenı birlestik ókilderi qatysty.

«Biz óz úıimizdi Qazaqstan halqy Assambleıasynyń kishi úıi dep ataımyz. Bul jerde beıbitshilik, dostyq pen kelisimniń shańyraǵy aıasynda on eki ulttyń ókili turyp jatyr. Qazaqstannyń baılyǵyn dál osy etnosaralyq kelisimnen kórýge bolady!», - dedi Astana qalasy ákimdiginiń «Sharapat» áleýmettik qyzmet kórsetý ortalyǵynyń dırektory Kenjebolat Bapıshev.

Qarttar úıiniń turǵyndary úshin Astana qalasyndaǵy etnomádenı ortalyqtar arnaıy mazmuny baı kontserttik baǵdarlama ázirledi, ulttyq taǵamdar usyndy.

Aıta keteıik, Memleket basshysynyń tapsyrmasymen Qazaqstan halqy Assambleıasy elimizde qaıyrymdylyq qyzmetti úılestirýshi bolyp tabylady.

Etnomádenı birlestik ókilderi osyndaı mekemelerdi aralap, turǵyndardyń óz mádenıetimen, týǵan tilimen qarym-qatynas jasaýyna múmkindik beredi, olarǵa qoǵamnyń erekshe qamqorlyǵy men nazaryn sezindire biledi.