QHA-nyń Analar keńesinde birlik pen kelisim máseleleri kóterildi
Іs-sharaǵa Qazaqstan halqy Assambleıasy Tóraǵasynyń orynbasary Marat Ázilhanov, QR Aqparat jáne qoǵamdyq damý vıtse-mınıstri Serik Egizbaev, QR Parlamenti Májilisiniń depýtaty Natalıa Dementeva, Etnosaralyq qatynastardy damytý komıtetiń tóraǵasy Ǵalym Shoıkın, QHA Analar keńesiniń tóraǵalary men músheleri jáne qoǵam qaıratkerleri qatysty.
Keńes barysynda qatysýshylar eldegi birlik pen kelisimdi nyǵaıtýǵa, azamattyq jáne otbasylyq qundylyqtardy, ulttyq dástúrlerdi damytýǵa, memlekettik tildi ilgeriletýge jáne etnosaralyq kommýnıkatsııanyń keń áleýmettik alańy retinde Analar keńesteriniń jumysyna baılanysty máselelerdi sheshýdegi Analar keńesteriniń rólin talqylady.
QHA tóraǵasynyń orynbasary M.Ázilhanov óz sózinde, Analar keńesi - bizdiń jastardy áleýmettendirýdiń basty jáne tıimdi ınstıtýty ekenin atap ótti. Osyǵan baılanysty olar tárbıe jumysy protsesinde, áleýmettik jobalardy iske asyrý kezinde etnosaralyq qatynastar salasyndaǵy memlekettik saıasat qaǵıdattaryn ilgeriletýge, sonymen qatar Assambleıanyń Analar keńesi belsendi jastarǵa, jas analar úshin naǵyz áleýmettik lıft bolýy tıis.
M.Ázilhanov Analar keńesterin ınstıtýtsıonaldyq nyǵaıtýdyń, olardy ákimdikter janyndaǵy Qoǵamdyq keńesterge engizýdiń, Áıelder isteri jáne otbasylyq-demografııalyq saıasat jónindegi ulttyq komıssııanyń jumysyna, jergilikti ózin-ózi basqarý keńesteriniń júıesine yqpaldastyrýdyń mańyzdylyǵyn atap ótti.
Keńes qorytyndysy boıynsha Assambleıa aldynda turǵan jańa mindetter aıasynda QHA Analar keńesin odan ári damytý sharalary aıqyndaldy.
