QHA-nyń 20 jyldyǵy aıasynda etnomádenı birlestikterdiń «Meniń Qazaqstanym» festıvali ótkiziledi

ASTANA. QazAqparat - Qazaqstan halqy Assambleıasynyń 20 jyldyǵy aıasynda «Meniń Qazaqstanym» respýblıkalyq festıvali ótkiziledi. Bul týraly búgin Ortalyq kommýnıkatsııalar qyzmetindegi brıfıngte QR Parlamenti Májilisiniń depýtaty Murat Ahmedıev málim etti.

«Men etnomádenı birlestikterdiń «Meniń Qazaqstanym» atty festıvalin ótkizý usynysyn engizdim», - dedi depýtat tilshiler saýalyna jaýap berý kezinde.

Onyń sózine qaraǵanda, sharaǵa kásibı oryndaýshylar emes, kórkemónerpazdar ártisteri qatysýy qajet. Olar qazaqtyń halyq ánderin shyrqap, halyq astaptarynda óner kórsetedi. Qatysýshylar tek basqa ult ókilderi ǵana bolady.

Festıval úsh kezeńnen turady. Onyń jeńimpazdarynyń qatysýymen gala-kontsert uıymdastyrylady.

«Fınal aldaǵy jyldyń 1 naýryzynda Astanada uıymdastyrylatyn bolady», - dedi M.Ahmadıev.