QHA-nyń «20 ıgi is» aktsııasyna jarty mıllıonnan astam adam qatysty - Natalıa Kalashnıkova

ASTANA. QazAqparat - Qazaqstan halqy Assambleıasynyń «Beıbitshilik pen kelisimniń jol kartasy» respýblıkalyq mega-jobasy aıasynda «20 ıgi is» respýblıkalyq aktsııasyna jarty mıllıonnan astam adam qatysty. Bul týraly búgin Ortalyq kommýnıkatsııalar qyzmetindegi brıfıngte QR Prezıdenti janyndaǵy «Qoǵamdyq kelisim» RMM dırektory Natalıa Kalashnıkova málim etti.

«QHA-20 ıgi is» estafetasynyń sımvoly «Taıqazan» 21 sáýirde Astanaǵa oralyp, Bebitshilik jáne kelisim saraıynda ornatylady. Osy oraıda QHA sessııasynyń barlyq qatysýshylary Qazaqstannyń barlyq óńirinde ótkizilgen izgi istermen tanysa alady»,-dedi ol. N. Kalashnıkovanyń aıtýynsha, aktsııa aıasynda 2 mlrd. teńgeden astam somada kómek kórsetildi. «Jalpy alǵanda biz aldyn ala qorytyndylardy jasadyq. Bul aktsııa aıasynda iske asyrylǵan mańyzdy áleýmettik jobalar boldy, ıaǵnı 1654 eldi meken osy baǵdarda qamtylyp, ótkizilgen 2514 sharaǵa jarty mıllıonnan astam adam qatysty. Atap aıtqanda, kómekke muqtaj turǵyndarǵa 2 mlrd. teńgeden astam somada kómek kórsetildi. Balabaqshalar, sport keshenderi ashyldy jáne elimizdiń bıznesi qosymsha jumys oryndaryn ashyp, páter kiltteri tabystaldy. QHA-nyń «20 ıgi is» baǵyty aıasynda «Men donor» atty aktsııa uıymdastyryldy»,-dedi ol.