QHA: Nursultan Nazarbaev - shyn máninde halyq ishinen shyqqan kóshbasshy
«Sizderdi Qazaqstan Respýblıkasy Tuńǵysh Prezıdentiniń kúnimen - Elbasy kúnimen, Qazaqstan halqy tarıhı tańdaý jasaǵan kúnmen quttyqtaımyz. Bul kúni biz jańa memlekettiń jarqyn bolashaǵy úshin, qoǵamdaǵy tatýlyq pen birlik úshin ózine asqan zor jaýapkershilik alǵan Ult kóshbasshyn saıladyq» delingen quttyqtaýda.
QHA keńesi, sondaı-aq, Táýelsiz Qazaqstandy nyǵaıtý men damytýdyń 25 jyly árqaısymyzdyń Nursultan Ábishuly Nazarbaevtyń basshylyǵymen eren eńbek etýimizdiń arqasynda Otanymyz qol jetkizgen shoqtyqty jetistikter men jeńisterdiń jylyna aınalǵanyn atap ótken.
Táýelsizdiktiń 25 jyldyǵy qazaqstandyq uly arman - Uly Dala elin eń ozyq damyǵan otyz eldiń terezesi teń múshesi etý týraly armandy oryndaıtyn Bes prezıdenttik reforma sheńberinde memleket pen qoǵamdy aýqymdy modernızatsııalaý jyly boldy.
«Bizdiń árqaısymyz úshin Tuńǵysh Prezıdent kúni - eldegi turaqtylyq, erteńgi kúnge degen senimdilik, qoǵamdyq kelisim men birliktiń saltanaty úshin Memleket basshysyna búkilhalyqtyq súıispenshilik pen qoldaý, adamı zor rızashylyq bildiriletin kún. Táýelsiz Qazaqstannyń negizin qalaýshy Nursultan Nazarbaev, shyn máninde halyq ishinen shyqqan kóshbasshy retinde óziniń eren eńbegimen asqan patrıottyqtyń, eline adaldyqtyń úlgisin kórsetti, oǵan uqsaý - ár azamat úshin zor mártebe» dep atap ótedi QHA keńesi.
Sondaı-aq, quttyqtaýda: «Táýelsizdiktiń 25 jyldyǵy atap ótiletin jyly biz Elbasynyń bastamasymen Qazaqstan halqynyń rýhanı Konstıtýtsııasy bolyp tabylatyn «Máńgilik El» patrıottyq aktin qabyldadyq. Onyń negizinde - birlik, ortaq múdde jáne tarıhı taǵdyr, qarapaıym da túsinikti qundylyqtar jatyr, olar: bolashaqqa degen senimdilik, qaýipsizdik, ıgilik pen balalardyń baqyty», dep jazylǵan.
«Qurmetti otandastar! Biz sizderge memleket qaıratkeri, óz halqynyń adal perzenti -Elbasy Nursultan Ábishuly Nazarbaev óziniń orasan zor talanty men saıası erik-jigerin arnaǵan tatýlyǵymyz ben birligimiz baıandy bolsyn dep tileımiz. Densaýlyqtaryńyz zor, tabystaryńyz mol bolsyn!» dep túıindelgen quttyqtaý haty.
