QHA-nyń kezekti HHHІV sessııasy bastaldy
ASTANA. KAZINFORM — Elordadaǵy Táýelsizdik saraıynda Memleket basshysy Qasym-Jomart Toqaevtyń qatysýymen Qazaqstan halqy Assambleıasynyń kezekti HHHІV sessııasy bastaldy.
Keńeıtilgen otyrystyń kún tártibi — «Qazaqstan halqy Assambleıasynyń 30 jyldyǵy: qorytyndylar jáne bolashaq mindetter».
Aıta keteıik, keshe Beıbitshilik jáne kelisim saraıynda Qazaqstan halqy Assambleıasy Keńesiniń keńeıtilgen otyrysy ótti.
Otyrysqa QR Prezıdentiniń Іshki saıasat jáne kommýnıkatsııalar máseleleri jónindegi kómekshisi Arman Qyryqbaev, QR Parlamentiniń depýtattary, Qazaqstan halqy Assambleıasy Keńesiniń músheleri, respýblıkalyq etnomádenı birlestikterdiń basshylary men músheleri, QHA qoǵamdyq qurylymdarynyń ókilderi qatysty. Assambleıa ınstıtýtynyń eldegi birlik pen kelisimdi nyǵaıtýdaǵy róli, sondaı-aq elimizdegi aýqymdy ózgerister barysyndaǵy erekshe mańyzy atap ótildi.
Assambleıanyń 30 jyldyǵy aıasynda atqarylyp jatqan jumystar men oǵan qoǵamnyń keńinen atsalysýy aıtyldy. Keńes qatysýshylary Qazaqstan halqy Assambleıasynyń 30 jyl ishindegi etnosaralyq birlik pen kelisimdi nyǵaıtýǵa qosqan úlesin, «Áralýandyqtaǵy birlik», «Biz ártúrlimiz — biraq teńbiz» qaǵıdattaryn qoǵamda saqtaý men ilgeriletýdiń mańyzyn erekshe atap ótti.
17 sáýirde Memleket basshysynyń ókimderimen Rasýl Sýrmalıevıch Ahmetov jáne Dmıtrıı Valerevıch Ostankovıch Qazaqstan halqy Assambleıasy tóraǵasynyń orynbasarlary bolyp taǵaıyndalǵan edi.
Buǵan deıin 30 jylda Assambleıa Qazaqstan qoǵamyna ne bere alǵanyn jazǵan edik.
Sonaý 1995 jyldyń 1 naýryzynda qurylǵan Qazaqstan halqy Assambleıasyna bıyl 30 jyl tolyp otyr. Turaqtylyq pen beıbitshiliktiń jarshysyna aınalǵan uıymnyń mereıli belesi aıasynda bıyl 150-den asa is-shara uıymdastyrylmaq.
Qazaqstan halqy Assambleıasynyń 14 Dostyq elshisi birlik pen kelisimniń qazaqstandyq úlgisin usyna otyryp, basqa eldermen ózara yntymaqtastyqty damytýǵa erekshe úles qosyp keledi. Qoǵamdyq kelisim men jalpyulttyq birlikti saqtaýǵa at salysqandarǵa «El birligi» ordeni tabystalady.