QHA músheleri qasıetti jerlerdiń tarıhymen tanysty
Elbasy Nursultan Nazarbaevtyń baǵdarlamalyq maqalasyndaǵy «Qazaqstannyń qasıetti rýhanı qundylyqtary» jobasyn iske asyrýdy kózdegen etnografııalyq ekspedıtsııa músheleri aldymen birliktiń bastaýy bolǵan Ordabasy taýyna bardy. Týtóbeniń tarıhymen tanysyp, babalar amanaty da, búgingi Qazaq eliniń urany da - birlik pen yntymaq ekenin sóz etti.
Oblystyq assambleıa tóraǵasynyń orynbasary Muratáli Qalmuratov bir úıdiń balasyndaı bolǵan óńirlik assambleıa atynan «Ordabasy» ulttyq tarıhı-mádenı qoryǵynyń murajaıyna kóne turmystyq buıymdy tartý etti. Odan keıin ekspedıtsııa músheleri ejelgi Otyrar, Saýran qalashyǵynda bolyp, Arystan bab, Qoja Ahmet ıAsaýı kesenelerine zııarat etti. Tarıhı nysandardyń rýhanı, mádenı qundylyqtarymen tereńirek tanysty. Qasıetti oryndardyń syryna qanyqqan assambleıa músheleri Elbasynyń «Týǵan jer» baǵdarlamasy barsha qazaqstandyqtardyń rýhyn kóterip, patrıottyq sezimin joǵarylatýǵa yqpal etetinin aıtty.
Aıta keteıik, elimizde rýhanı jańǵyrýǵa bastaıtyn baǵdarlama osylaı etnos ókilderi tarapynan qoldaý tabýda. Igi shara aldaǵy ýaqytta da jalǵasyn taýyp, aımaqtaǵy tarıhı oryndarǵa ár etnomádenı birlestikterdiń saıahattaryn uıymdastyrý josparlanyp otyr.
